ƏMLAK MƏSƏLƏLƏRİ DÖVLƏT KOMİTƏSİNDƏ KÖNÜLLÜ FƏALİYYƏT HAQQINDA

“Könüllü fəaliyyət haqqında” Azərbaycan Respublikasının Qanununa müvafiq olaraq Əmlak Məsələləri Dövlət Komitəsində könüllülük proqramının həyata keçirilməsi davam edir. Könüllülük fəaliyyəti Azərbaycan Respublikasının qanunvericiliyi ilə qadağan edilməyən işlərin görülməsi və ya xidmətlərin göstərilməsi ilə bağlı ictimai faydalı və gəlirsiz fəaliyyət hesab olunur. Könüllülük fəaliyyəti Komitənin fəaliyyət istiqamətlərinə uyğun vətəndaşlara xidmət göstərən qurumlarında aşağıdakı istiqamətlər üzrə nəzərdə tutulmuşdur:

  • Vətəndaşların qarşılanması və əlaqədar şəxslərə yönləndirilməsi;
  • Göstərilən xidmətlər üzrə müraciət edən vətəndaşlara qanunvericiliyin və qaydaların düzgün izah edilməsi;
  • Müraciətlərə əsasən ərizə formalarının doldurulmasına köməkliyin göstərilməsi;
  • Azərbaycan Respublikası qanunvericiliyinin tələblərinə zidd olmayan digər fəaliyyət sahələri.